多個月以來社會上有不同的聲音，我相信好多市民都只係會認同和有一個共識其實係個政府無能，根本冇能力管治香港，何況係民主社會。
今日用咗兩個幾鐘先返到公司，我喺藍田上車嘅時間係10:30 ，個巴士司機對住我笑笑口講架車喺將軍澳開出時間係08:30，我都只係笑笑口答佢多謝政府。沿途都聽到好多唔同嘅聲音，好多上一輩都話啲年輕人出嚟搞事，我就喺度諗其實大家係咪想種族滅絕沒有香港的下一代才愉快呢。事實上香港一直都有地區性移植內地人到香港，香港人口老化嚴重，不知不覺間你會發覺你四周圍講嘢嘅人一係就講唔正嘅廣東話，一係就係普通話，就正如去西藏旅遊一樣，係前藏見到大部份都係成都四川人，要去到後藏，先見得多真正嘅西藏人。
今日港鐵停咗多個地鐵站，上班時間大混亂，然後八點又關站，大家又趕住返屋企，情況就有如宵禁一樣。政府又話係因為地鐵站受到破壞，所以為保安全所以未能提供服務。
大部份嘅售票機增值機閘機事實上根本可以如常使用但係卻張貼了由於受到破壞所以暫停使用不便之處敬請原諒嘅字眼，有人走去嘗試用一啲所謂受破壞嘅站內設施，但原來設施是運作正常，從而得知根本是政府從中製造混亂分化社會。政府係港鐵嘅大股東佔有75%，剩返嘅25%唔使諗啦都係睇利益，所以港鐵也是政府嘅棋子手段。
最令人摸不着頭腦和值得去探討的事情是為何香港近來海面會出現這麼多的浮屍，跳樓自殺個案，全部都是死因冇可疑，以往發生交通意外也會有人作出一些路祭，但到目前為止我也從來冇看過一單有親人走過出來嚎啕大哭的景象，確實令人心寒。
警察記者招待會上的表現令人憤慨，問非所答，若然沒有充分嘅理據或準備去回應，記招是沒有必要召開的，直接發新聞稿就可以了，因為大家心裏面深深明白到在這裏是永遠找不到真相，是沒有人可以回答到答案，這只是浪費專業記者在場的時間。
最後我想再補充一樣野，就係我今日試過早上着住黑色衫黑色褲黑鞋喺條街度行嚟行去，係會俾人用仇視嘅目光望住，然後我下晝換咗件橙色嘅上身灰色嘅短褲啡色嘅鞋落街就冇咁多人用仇視嘅目光望住我。
人民批鬥人民，大家互相猜忌，互相舉報，就是人民鬥爭嘅開始。
香港社會沒有進步，只是換來越嚟越倒退。
國家不是用來景仰和崇拜，而是願意與人民共同進退。
Search